نوید ظفر کیانی کے تلخ و شیریں کلام کا مرکز

Tag Archives: ریل گاڑی

مانا خرگوش سے میاں کچھوے
اتفاقاً ہی آگے نکلے ہیں

ہاں مگر دوڑ میں بہر صورت
ریل گاڑی سے جیت سکتے ہیں

Advertisements

ریل گاڑی کی سیٹی بجی
اور ساری فضا شورشِ ہجر سے گونج اُٹھی
ایک ڈبے کی کھڑکی سے رستی ہوئی اُن نگاہوں کی چپ
اور میرے ارادوں کی کم ہمتی
ریل گاڑی کی وہ پٹریاں ہیں
کہ جن پر مرے خواب حسرت بنے جاتے ہیں

—–

ریل گاڑی میں حرکت ہوئی
ساعتوں کے طلسمات بیدار ہونے لگے
بھنبھناتی ہوئی رخصتی کی صداؤں میں جیسے کوئی چابیاں بھر گیا
الوداع کے لئے ہاتھ اُٹھنے لگے
آخری بار میں نے اُن آنکھوں میں دیکھا
تو میری بھی آنکھوں میں سگریٹ کا کڑوا کسیلا دھواں بھر گیا