نوید ظفر کیانی کے تلخ و شیریں کلام کا مرکز

Tag Archives: تازہ گنڈیریاں

کیا بُرا ہے اگر کرپٹ بھی ہیں
جو ہیں تگڑے اُنہیں کی چاندی ہے

یہ پنامہ کے فیصلے سے کھلا
عدل تو اک ٹرک کی بتی ہے

Advertisements

کراچی بلدہء اربابِ دانش
مگر ہے بلدیہ اس کی عجب شے

بنا ڈالا ہے "کوڑا دان” اس کو
کراچی کو "کوڑاچی” کر دیا ہے


اہلِ خانہ پر جب قابو پا ہی چکے ہیں
بینیفٹ کچھ اور اٹھایا جا سکتا ہے
گھر کا ساماں باندھا جا سکتا ہے پھر بھی
پہلے اِنہیں دیوان سنایا جا سکتا ہے


نیوز چینلز کا ہے یہ دعویٰ
ہم فقط آگہی پھیلاتے ہیں

ہم بھی تائید کرتے ہیں اِن کی
یہ تو بس آگ ہی پھیلاتے ہیں


لیلیٰ کا عقد کیوں نہ ہوا قیس بھائی سے
اُس دور میں تو اِتنے ستمگر گٹر نہ تھے

ایسے ہی اِک وقوعے کے باعث جو دیر کی
"منزل اُنہیں ملی جو شریکِ سفر نہ تھے”


جن کی خونخواری ازل سے مثل ہے
امنِ عالم کے اُنہیں کو درد ہیں
اور ہے اُن بھیڑیوں کا فیصلہ
جس قدر بھیڑیں ہیں دہشت گرد ہیں