مدتوں بعد تجھ کو دیکھا تھا
دل تھا اور دھڑکنوں کا بھنگڑا تھا

کیوں ٹرمپ سے بنے ہیں ابا تیرے
اک تجھے تاڑنے تو آیا تھا

اپنے اپنے تھے سب کے جائے دماغ
تیرا گوڈا تھا میرا گٹا تھا

ہو پنامہ کا فیصلہ جیسے
اُس نے مکھڑے کو یوں چھپایا تھا.

اُف وہ طرزِ تکلمِ بیگم
گویا اسٹارٹ ہوتا رکشا تھا

اپنے جیسے رقیب تھے میرے
اللہ دتہ تھا خیر دینا تھا

المیہ ہے یہی سیاست کا
جو بھی لیڈر ملا وہ لوٹا تھا

گھومتے تھے وہ گاڑیوں میں سدا
اور میرا نصیب ٹھینگا تھا

نہ تھی زوجہ کہ سودا منگواتی
جانے سودا کو کیسا سودا تھا

اب تو بھینسیں بھی کہتی ہیں۔۔۔۔ سوری
کبھی کٹا بھی چویا جاتا تھا

فیصلہ کر دیا تھا پرکھوں نے
کون ماموں تھا کون ابا تھا

آپ لندنا کے بھی رہے کالے
میں تو ایتھوپیا کا گورا تھا

Advertisements